ახალციხეს სოფლის მეურნეობის მინისტრის მოადგილე სტუმრობს [Photo]

მინისტრის მოადგილემ, რეგიონის გუბერნატორთან კახა სამხარაძესთან და ქალაქის პირველ პირებთან ერთად, „ახალციხის ციხის“ ტერიტორიაზე ფერმერებისა და სასოფლო კოოპერატივების მიერ წარმოდგენილი პროდუქტი დაათვალიერა და დააგემოვნა.

„ძალიან კარგია, რომ სწორედ „ახალციხელობას“ დაემთხვა სასოფლო–სამეურნეო პროდუქციის გამოფენა. ეს კოოპერატორებისთვის წამახალისებელია. ასე მათ მეტი შანსი ეძლევათ თავიანთი პროდუქციის რეალიზებისთვის. სამინისტრო მზადაა, რომ რეგიონს სოფლის–მეურნეობის განვითარებაში დაეხმაროს“ – ამბობს გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი.

„ახალციხის ციხეზე“ მესხური ყველის სხვადასხვა სახეობა, მაწონი, თაფლი, ღვინო კენკრა და სხვა პროდუქტები 42 ფერმერსა და კოოპერატივს აქვს წარმოდგენილი.

„ჩვენ ახალაქლაქიდან ჩამოვედით და ახალი ჯიშის მარწყვი წამოვიღეთ. ჯერ საცდელად გვაქვს დარგული და კარგი შედეგიც მივირეთ. იმედი გვაქვს, რომ მოწონებას დაიმსახურებს“, – გვითხრა სოფელ პტენიდან ჩამოსულმა ფერმერმა ნატი მაღვაშიძემ.
ციხეზე წარმოდგენილია, ახალციხეში კამეჩების ფერმიდან სხვადსხვა პროდუქტიც.

„30 კამეჩი მყავს. მათი რძის ნაწარმი ძალიან გემრიელია, ამიტომ ძვირადღირებულია და მაღალ სეგმენტზეა გათვლილი. პროდუქტს თბილისის სუპერმარკეტებში ვყიდით“, – ამბობს კამეჩების ფერმის მესაკუთრე მამაუკა ნასიძე.

„ახალციხის ციხეზე“ სასოფლო–სამეურნეო პროდუქციის გამოფენა–გაყიდვა და დეგუსტაცია სახელწოდებით „თიბათვე“ სოფლის მეურნეობის სამინისტროს სამცხე–ჯავახეთის რეგიონული სამმართველოს ორგანიზებით იმართება. დღესვე დაჯილდოვდებიან ყველაზე წარმატებული კოოპერატივები და ფერმერები.

















[ლუბა გიორგაძე, ახალციხე]