რა ნიშნით შეარჩია მოადგილე ასპინძის გამგებელმა?

აღნიშნულ პოსტზე პაპაშვილი გუშინ, 24 ივნისს დანიშნეს. კონკურსი კი აღნიშნულ პოსტზე დღეს გამოაცხადეს.

პაპაშვილმა ბესიკ სანდოძე შეცვალა, რომელმაც თანამდებობა საკუთარი განცხადების საფუძველზე, ერთი თვის წინ დატოვა.
პაპაშვილი გამგებლის მოადგილის მოვალეობას იქამდე შეასრულებს, ვიდრე კონკურსი დასრულდება. იგი ამბობს, რომ კონურსში მონაწილობის მიღებას თავადაც აპირებს.

ალექსანდრე პაპაშვილი 1980 წელის 9 აპრილს, დაბა ასპინძაში დაიბადა.1997 წელს დაამთავრა ასპინძის საჯარო სკოლა და ამავე წელს ჩაირიცხა ივანე ჯავახიშვილის სახელობის სახელმწიფო უნივერსიტეტის მესხეთის ფილიალში, იურიდიულ ფაკულტეტზე, რომელიც 2002 წელს დაასრულა.

2005 წელს მუშაობა დაიწყო ნინოწმინდის საჯარო რეესტრის ეროვნულ სააგენტოში უფროსის მოადგილედ. 2006 წლიდან ახალქალაქში საჯარო რეესტრის უფროსის მოადგილედ გადაინაცვლა. 2006 წლის ბოლოდან 2010 წლამდე ახალციხის სარეგისტრაციო სამსახურში უფროსის მოადგილედ მუშაობდა. 2010 წლიდან 2013 წლის 14 ივნისამდე კი ამავე სამსახურის რეგიონის იურისტი იყო.

‘იმედი მაქვს, რომ პაპაშვილი გაიმარჯვებს კონკურსში. ასპინძაში ბევრი პრობლემაა მიწის საკითხებთან დაკავშირებით და გამოცდილი იურისტი მჭირდებოდა, რომელიც ამ პრობლემების მოგვარებაში დამეხმარებოდა’, - ამბობს ასპინძის მუნიციპალიტეტის გამგებელი ლევან ცაბაძე.

[თინათინ ზაზაძე, ასპინძა]