ასპინძაში კონკურსში გამარჯვებული კანდიდატების დანიშვნა დაიწყო

ასპინძის მუნიციპალიტეტის გამგეობაში გნამარტავენ , რომ 41 პოსტიდან ვაკანტური ამ დროისთვის მხოლოდ ერთი, აწყვიტის ტერიტორიული ორგანოს რწმუნებულის პოსტი დარჩა. აღნიშნულ თანამდებობაზე კონკურსანტი ვერ შეარჩიეს. თუმცა, როგორც ასპინძის მუნიციპალიტეტის გამგებლის მოადგილზე ალექსანდრე პაპაშვილი ამბობს, ამ პოსტზე მოვალეობის შემსრულებელი დაინიშნება. მისივე თქმით, ორივე შემთხვევში ოფიციალურად დანიშვნის ბრძანებები დღის ბოლოს ან ხვალ 15 აპრილს დაიწერება.

„მითითება გვაქვს უწყებათაშორისი კომიისგან, რომ არჩევნების წინ, ორი თვით ადრე კონკურსის ჩატარება არ შეიძლება. ამიტომ აღნიშნულ პოსტზე კონკურსი არჩევნების შემდეგ გამოცხადდება“, - ამბობს პაპაშვილი.

შეგახსენებთ, რომ ასპინძის მუნიციპალიტეტის გამგეობამ 41 პოსტზე კონკურსი ორ ეტაპად, 4 და 5 მარტს გამოაცხადა. 41 პოსტისთვის 181 კანდიდატი იბრძოდა. მუნიციპალიტეტის გამგეობაში შექმნილი 5-კაციანი საპრეტენზიო კომისიისთვის არცერთ კონკურსანტს არ მიუმართავს.

[თინათინ ზაზაძე, ასპინძა]