განათლების სამინისტროს კონკურსში ბორჯომის სკოლის მოსწავლემ გაიმარჯვა

ბორჯომის №1 საჯარო სკოლის მე-5 ა კლასის მოსწავლემ თამარ კაპანაძემ, საქართველოს განათლებისა და მეცნიერების სამინისტროს მიერ გამოცხადებულ კონკურს „იაკობ გოგებაშვილის ილუსტრაციებში" პირველი ადგილი დაიკავა.

თამარი განათლებისა და მეცნიერების მინისტრის მოადგილემ ლია გიგაურმა წიგნების 200-ლარიანი სასაჩუქრე ბარათით დააჯილდოვა.

კონკურსის საუკეთესო ათეულში მოხვდა ამავე კლასის მოსწავლე მარიამ გიორგობიანი, რომელსაც სიგელი და საჩუქრები გადაეცა.

კონკურსი საქართველოს განათლებისა და მეცნიერების სამინისტროს ორგანიზებით გაიმართა და ის იაკობ გოგებაშვილის იუბილეს მიეძღვნა.

[sknews.ge]