ხორავას ქუჩის საქმე – ზაზა სარალიძე მთავარი პროკურორის გადადგომას ითხოვს

თბილისში, ხორავას ქუჩაზე მოკლული ლევან დადუნაშვილის მკვლელობის საქმეზე თბილისის საქალაქო სასამართლომ გამამტყუნებელი განაჩენი გამოიტანა. რაც შეეხება მეორე მოკლულს, დავით სარალიძეს, მისი მკვლელობის საქმეზე მოსამართლემ ბრალი მკვლელობიდან მკვლელობის მცდელობაზე გადააკვალიფიცირა. შესაბამისად, ამ დროისათვის უცნობია, ვინ მოკლა არასრულწლოვანი დავით სარალიძე.

სარალიძის ოჯახი განაჩენით უკმაყოფილოა. ისინი ხელახალი გამოძიების მოთხოვნით აქციის გამართვას გეგმავენ პროკურორთან. ამ გადაწყვეტილებით უკმაყოფილოა მეორე მოკლულის, ლევან დადუნაშვილის ოჯახი. ისინი უფრო მკაცრ სასჯელს მოითხოვენ. გარდაცვლილების ოჯახის წევრები საქართველოს მთავარი პროკურორის ირაკლი შოთაძის გადადგომას ითხოვენ.

პროკურატურაში კი აცხადებენ, რომ სასამართლოს გადაწყვეტილებას არ ეთანხმებიან და პირველი ინსტანციის განაჩენს სააპელაციო სასამართლოში გაასაჩივრებენ.

„მნიშვნელოვანია რომ სასამართლომ დამნაშავედ სცნო ბრალდებულები. ჩვენ კატეგორიულად არ ვეთანხმებით ამ განაჩენს. გაუგებარია რაზე დაყრდნობით მიიღო მოსამართლემ აეთი გადაწყვეტილება“, – განაცხადა ბრიფინგზე ირაკლი შოთაძემ.

მისი თქმით, დაკითხული მოწმეები გამოძიებასთან სრულყოფილად არ თანამშრომლობენ. ასევე, შოთაძე აცხადებს, რომ საქმეში უცხოელ ექსპერტებს ჩართავენ. პროკურორი საქმეში ჩართვასა და შეხვედრას სთავაზობს გარდაცვლილი დავით სარალიძის მამას ზაზა სარალიძეს. ვიდრე შოთაძე ბრიფინგს მაქრთავდა ცნობილი გახდა, რომ სარალიძე შოთაძეს შეხვდება, თუმცა, მასთან ერთად მთავარ პროკურორთან შეხვედრას სხვა შვილმკვდარი მშობლებიც ითხოვენ.



[sknews.ge]