ხორავას ქუჩის საქმეზე სასამართლომ სასჯელის ზომები გამოაცხადა

ხორავას ქუჩაზე მოსწავლეების, ლევან დადუნაშვილის და დათო სარალიძის მკვლელობის საქმეზე მოსამართლე ეკა არეშიძემ სასჯელის ზომები გამოაცხადა.

გუშინ ლევან დადუნაშვილის მკვლელობისთვის სასამართლომ გამამტყუნებელი განაჩენი გამოიტანა. რაც შეეხება მეორე მოკლულს, დავით სარალიძეს, მის საქმეზე სასამართლომ ბრალდებული ნაწილობრივ გაამართლა, მისი ბრალდების მუხლი გადააკვალიფიცირა, მას ბრალად განზრახ მკვლელობა დამამძიმებელ გარემოებაში ედებოდა ბრალად, და მკვლელობის მცდელობით შეუცვალა.

განაჩენს ხმაური მოჰყვა, დავით სალარიძის მამა ზაზა სალარიძემ მოსახლეობას მოუწოდა მის გვერდით დამდგარიყვნენ. ხმაური მასშტაბურ საპროტესტო ტალღად იქცა, რასაც მთავარი პროკურორის, ირაკლი შოთაძის გადადგომა მოჰყვა.

ამის შემდეგ აქციამ პარლამენტის წინ გადმოინაცვლა, სადაც დემონსტრაციის მონაწილეებმა უკვე მთავრობის გადადგომა მოითხოვეს, აქციაზე მივიდა პრემიერ-მინისტრი, თუმცა მას შეკრებილებმა სიტყვით გამოსვლის საშუალება არ მისცეს და ბოთლები დაუშინეს. მოგვიანებით პრემიერმა ბრიფინგი კანცელარიაში გამართა და თქვა, რომ გამოძიებას შინაგან საქმეთა სამინისტრო გადაიბარებს.

აქცია დღეს 16:00 საათზე განახლდება.

[sknews.ge]