ახალციხეს საგარეო საქმეთა მინისტრის მოადგილე ესტუმრა [Video]

გიორგი შარვაშიძემ სამცხე–ჯავახეთის გუბერნატორთან და ახალციხის ადგილობრივი თვითმმართველობის წარმომადგენლებთან, ასევე ტაო–კლარჯეთის მიტროპოლიტ თეოდორესთან ერთად ახალციხის ციხეზე ხალხური რეწვის ნიმუშების, სამხატვრო სკოლისა და მესხური სამზარეულოს გამოფენა დაათვალიერა.



„საქართველოს უძველეს მხარეში, სამცხე–ჯავახეთში სახალხო დღესასწაული შედგა. ღრმად ვარ დარწმუნებული, რომ საქართველოს წარმატებულ მომავალს შევქმნით“, – განაცხადა საგარეო საქმეთა მინისტრის მოადგილემ გიორგი შარვაშიძემ.

ახალციხის ციხეზე 26 მაისთან დაკავშირებით მასშტაბურ ღონისძიებებს საქართველოს საგარეო საქმეთა სამინისტროც მართავს. მათი ორგანიზებით დღეს დილიდან ახალციხეში ძველი ქართული საკვირაო ბაზრობის ტრადიცია გაცოცხლდა.

შეგახსენებთ, რომ დღეს, 26 მაისს დილიდან ახალციხის ციხეზე სხვადასხვა საზეიმო ღონისძიება იმართება. დღესასწაულის აღნიშვნა კონცერტით და ფოიერვერკით დასრულდება.





[ლუბა გიორგაძე, ნანა ინასარიძე ახალციხე]