ახალციხის ციხეზე ხალხური რეწვის ნიმუშების გამოფენა – გაყიდვა გაიხსნა

ადგილობრივებს ახალციხის ქვედა ციხეში სხვადასხვა ხელნაკეთი ნივთები აქვთ გამოფენილი: ხალიჩა – ფარდაგები, ქვასა და ხეზე ნაკვეთი ნივთები, თექისა და ბისერების სამკაულები და ა.შ.

გარდა ამისა, ციხეზე გამოფენილია ადგილობრივი ფოლკლორული ანსამბლის „მესხეთის“ ძველი და ახალი თაობების ფოტოები.

შეგახსენებთ, რომ ანსამბლს დღეს ციხეში ვარსკვლავს გაუხსნიან.

გამოფენა – გაყიდვა „ახალციხელობის“ დღესასწაულის ფარგლებში მოეწყო.

დღესასწაულის ფარგლებში დღესვე დაგეგმილია ახალციხის ქორეოგრაფიული კოლექტივებისა და ფოლკლორული ანსამბლის "მესხეთის" კონცერტი. კონცერტი 17:30 საათზე დაიწყება. 19:00 საათზე თემურ ყვითელაშვილის კონცერტია დაგეგმილი, 19:30–ზე კი საღამო თბილისის მერიის ბიგ-ბენდისა და ცნობილი ქართველი მომღერლების (ბორის ბედია,მარიკო ებრალიძე,მაია ბარათაშვილი, თაკო გაჩეჩილაძე, ალეკო ბერძენიშვილი, მარიამ პავლიაშვილი,გიორგი სუხიტაშვილი,ზაურ შავგულიძე) მონაწილეობით გაგრძელდება.
დღესვე აირჩევენ ახალციხის საპატიო მოქალაქეებს.

„ახალციხელობა“ 21:00 საათზე ფეიერვერკით დასრულდება.



[მანანა სარაშვილი, ახალციხე]