რა გახდა ახალნამშობიარები ქალის გარდაცვალების მიზეზი – ექსპერტიზის პასუხი ცნობილია

კერძო ექსპერტის კახა ერისთავის, განცხადებით, 23 წლის ქალის გარდაცვალების მიზეზი გულის მწვავე უკმარისობა გახდა. ასევე, ამ პერიოდში ფილტვების ანთებაც ჰქონდა: „სხვას ვერაფერს გეტყვით, ექსპერტიზის დასკვნა კლინიკა „იმედის“ უკვე გადავუგზავნეთ, ისინი გასცემენ პასუხს სხვა შეკთიხვებზე“.

„იმედში“ აცხადებენ, რომ ამ დროისთვის დაწესებულებაში ესქპერტიზის დასკვნა არ მისულა: „შესაძლოა, გამოგზავნილია და ორშაბათს მივიღოთ“.

30 მარტს კლინიკა „იმედის“ სამშობიაროში გარდაცვლილ ქალს ექსპერტიზა კერძო ექსპერტთან ერთად ლევან სამხარეულის სახელობის სასამართლო ექსპერტიზის ეროვნული ბიუროს ექსპერტმაც ჩაუტარა. როგორც შინაგან საქმეთა სამინისტროში აცხადებენ, სამხარაულის ექსპერტიზის პასუხს მომავალ კვირაში მიიღბენ: „პასუხების მიღების შემდეგ შედგება შესაბამისი დოკუმენტები, რომელსაც კერძო ექსპერტი კახა ერისთავიც დაესწრება“.

შეგახსენებთ, რომ ახალციხეში, სოფელ წყრუთში მცხოვრები 23 წლის ქალი კლინიკაში 30 მარტს, დილით გარდაიცვალა. გოგონამ ორი დღის წინ, 28 მარტს, ფიზიოლოგიურად იმშობიარა. საავადმყოფოში აცხადებდნენ, რომ მშობიარობამ გართულებების გარეშე ჩაიარა. ეს მისი პირველი მშობიარობა იყო.

გარდაცვლილის ოჯახის წევრები და ნათესავები მომხდარში ექიმებს ადანაშაულებენ.

შინაგან საქმეთა სამინისტრომ მომხდარზე ძიება გაუფრთხილებლობით სიცოცხლის მოსპობის ფაქტზე, საქართველოს სისხლის სამართლის კოდექსის 116-ე მუხლის პირველი ნაწილით მიმდინარეობს.

[თინათინ ზაზაძე, ახალციხე]