ექსპერტიზის დასკვნა 80 წლის ქალზე, რომელიც შვილმა მარტომ დაასაფლავა

შინაგან საქმეთა სამინისტროს ინფორმაციით, ექსპერტიზის დასკვნის მიხედვით, „სიკვდილის მიზეზი გახდა სუნთქვითი და გულსისხლძარღვთა მწვავე უკმარისობა. გვამს რაიმე დაზიანების ობიექტური ნიშნები არ აღენიშნება“.

უწყებაში ამბობენ, რომ მომხდარზე ძიება გრძელდება.

ქალის გარდაცვალებით პოლიცია მას შემდეგ დაინტერესდა, რაც ის შვილმა მარტომ დაასაფლავა. შსს–ს გამოძიების თხოვნით ქალის ნათესავებმა მიმართეს. მათ ეჭვი აქვთ, რომ შესაძლოა დედა შვილმა მოკლა და მარტომ ამიტომაც დაასაფლავა.

შემთხვევა 28 ინავარს მოხდა.

გამოძიება სისხლის სამართლის კოდექსის 115–ე მუხლით მიმდინარეობს, რაც თვითმკვლელობამდე მიყვანას გულისხმობს.

[მარიამ ბარძიმაძე, ახალციხე]