ახალციხის 4-მა სკოლამ ტესტური გამოცდა აირჩია

ამ ეტაპზე მოსწავლეები გამოცდებს ოთხ საგანში: ქიმიაში, ფიზიკაში, გეოგრაფიასა და ბიოლოგიაში აბარებენ.

განათლების სამინისტროს გადაწყვეტილებით, გამოცდების ფორმა და საგამოცდო განრიგის საკითხები სკოლებს თავად უნდა გადაეწყვიტათ. ყველა ზემოთ ჩამოთვლილმა სკოლამ ტესტები აირჩია.

ახალციხის კერძო სკოლა ’მზექაში’ გამოცდები 15 თებერვლიდან დაიწყო და სამ დღიანი შუალედებით ტარდება. ამ სკოლაში გამოცდებს 25 მოსწავლე აბარებს. პირველი გამოცდა გეოგრაფიაში ჩატარდა, შემდეგი კი 20 თებერვალს ფიზიკაში ჩატარდება.

- ’ რვაზე დაბალი ქულა არ დაწერილა’, - ამბობს კერძო სკოლა ’მზექას’ დირექტორი ბელა კაპანაძე.

გამოცდების ფორმით კმაყოფილი არიან ’მზექას’ მოსწავლეებიც.

- ’მაღალი ქულა ავიღე და სხვა გამოცდებშიც კარგ შეფასებას ველოდები. გამოცდებმა მკაცრადაც ჩაიარა, რაც ჩემთვის მისაღებია”, - ამბობს ’მზექას’ მოსწავლე ნათია სამსონიძე.

მეექვსე საჯარო სკოლის დირექტორის ზაზა თამარაშვილის თქმით, ამ სკოლიდან გამოცდაზე ყველა, 33-ვე მოსწალე გადის.

- ”მასწავლებელთა კოლექტივმა გადავწყვიტეთ, რომ მოსწავლეებმა გამოცდები ტესტურად ჩააბარონ. ჩასაბარებელი საგნებიდან გამომდინარე, შექმნილია ღია და დახურული კითხვები. ჯერ ორი გამოცდა ჩატარდა, ბიოლოგიასა და ქიმიაში. შემდეგი ორი პარასკევსა და შაბათს ჩატარდება ფიზიკასა და გეოგრაფიაში’, - ამბობს თამარაშვილი.

გამოცდები ახალციხის პირველ და მეხუთე საჯარო სკოლაშიც ტესტურად მიმდინარეობს. დღევანდელი მონაცემებით არცერთერთ სკოლაში არავინ ჩაჭრილა.

- ’საკმაოდ რთული იყო, მაგრამ კმაყოფილი ვარ შედეგით. პირველი გეოგრაფიაში გვქონდა და ცხრა ქულა ავიღე, დღეს კი მეორე გამოცდა ქიმიაში ჩავაბარეთ. ჯერ ჩვენი სკოლიდან არავინ ჩაჭრილა’, - ამბობს მეხუთე საჯარო სკოლის მოსწავლე ნიკა მიქელაძე.

საატესტაო გამოცდების პირველი ეტაპი 1 მარტს დასრულდება. მეორე ეტაპი 20 მაისიდან 29 მაისამდე გაგრძელდება.

[ნუკა სტეფნაძე, ახალციხე]