წყალთბილაში სამი ადგილობრივის ეზო ამ დრომდე იტბორება

სოფელ წყალთბილაში ადიდებულმა ხევის წყალმა, დაახლოებით, ხუთ მეტრ მანძილზე, კალაპოტი შეიცვალა და ხუთი ადგილობრივის ეზო დატბორა. მათ შორის, ორის ეზოში წყალს მიმართულება უკვე შეუცვალეს. სიმონ ვართანიანის, ანა ვართანიანისა და ასევე, მათ მეზობლად მცხოვრები ანა ვართანიანის ეზოებში კი ადგილობრივი თვითმმართველობის მძიმე ტექნიკა მუშაობას ახლა იწყებს.

„წყალი ისევ თავის კალაპოტში უნდა დავაბრუნოთ“, – ამბობს წყალთბილის დეპუტატი პეტროს ვართანიანი.

სტიქიამ სოფელში ნაკვეთები და ხეხილის ბაღებიც დააზიანა. მოგლეჯილია კაკლის ხეები. ასევე, დაზიანდა ორი სოფლის ერთმანეთთან დამაკავშირებელი ხიდები წყალთბილასა და ჯურღაში.

შეგახსენებთ, რომ გუშინ, 22 მაისს ახალციხეში ძლიერი წვიმის შედეგად ორი სოფელი, წყალთბილა და ვალეში ე.წ. მეორე შახტის დასახლება დაზარალდა.





[sknews.ge]