საბარგო სადგურის დასახლებაში ტაძრის საძირკველი აკურთხეს

წმინდა ბარბარეს სახელობის ტაძრის საძირკველი დღეს, რვა დეკემბერს აკურთხეს. საბარგო სადგურის დასახლებაში ტაძარი შემოწირულობებით შენდება.

„ამ დასახლებაში ტაძარი არასოდეს ყოფილა და მიხარია, რომ ბავშვების მფარველი, წმინდა ბარბარეს სახელობის იქნება. ტაძარი, თქვენი თანადგომით შენდება და მინდა თითოეულს მოგილოცოთ ეს დღე“,–მიმართა ტაძრის საძირკველის კურთხევის დასრულების შემდეგ, მრევლს ახალციხისა და ტაო–კლარჯეთის მიტროპოლიტმა მეუფე თეოდორემ.

ადგილობრივებთან ერთად, საბარგო სადგურის დასახლებაში ტაძრის კურთხევას ახალციხის მუნიციპალიტეტის საკრებულოს დეპუტატები და თავმჯდომარე ესწრებოდა.





[ლუბა გიორგაძე, ახალციხე]