'ახალციხელობის' აღნიშვნა წირვით დაიწყო

წირვა ახალციხისა და ტაო-კლარჯეთის მიტრიპოლიტმა მეუფე თეოდორემ აღავლინა და წირვის დასრულების შემდეგ იქადაგა: „შალვა ახალციხელი იყო განსაკუთრებული ადამიანი, ის იყო როგორც საერო მოღვაწე მხედარმთავარი, ასევე განსაკუთრებულად თავდადებული თავისი სარწმუნოებისათვის. მივულოცავ ყველას ამ დღესასწაულს და შევთხოვ წმინდა შალვა ახალციხელს მისი მადლით გაერთიანებულიყოს ჩვენი ქვეყანა“.

ქადაგების დასრულების შემდეგ ახალციხისა და ტაოკლარჯეთის მიტროპოლიტმა მეუფე თეოდორემ მრევლი და ჩამოსული სტუმრები ტრაპეზზე მიიწვია.

„დღევანდელ დღეს მივულოცავ ყველა ახალციხელს ეს უდიდისი დღესასწაულია ჩენი ქალაქისთვის, ვუსურვებ ერს გაძლიერებას სარწმუნოებაში. შალვა ახალციხელის მადლი და ძალა შეეწიოს ჩენს ქვეყანას“, -ამბობს მრევლი ციალა კალანდია.

ახალციხელობა უკვე ორი წელია შალვა ახალციხელის ხსენების დღესთან ერთად აღინიშნება. მანამდე კი ყოველ წელს ახალციხელობა შემოდგომით აღინიშნებოდა.

ახალციხეში შალვა ახალციხელის სახელობის ტაძრის მშენებლობას საფუძველი 2009 წელს ჩაეყარა და უკვე დასასრულს უახლოვდება.

[ნუკა სტეფნაძე, ახალციხე]