‘ბოლო ზარი’ ახალციხის სკოლებში [Photo]

დღეს, 18 მაისს, სკოლის დამთავრება, ქალაქ ახალციხის კერძო სკოლა "მზექას" და მეხუთე საჯარო სკოლის კურსდამთავრებულებმა აღნიშნეს. მათ ტრადიციულად, "ბოლო ზარს" ღონისძიება მიუძღვნეს, სადაც სიმღერები, ცეკვები და მასწავლებლების პაროდიები შეასრულეს.

ია იაძე ახალციხის კერძო სკოლა "მზექას" ოქროსმედალოსანი კურსდამთავრებულია. მიუხედავად იმისა, რომ იცის, წინ საინტერესო და დამოუკიდებელი ცხოვრება ელოდება, სკოლის დამთავრების გამო, გული მაინც სწყდება – "ძალიან მომენატრებიან მასწავლებლები და კლასელები, თუმცა ახალ ცხოვრებას, უფრო დამოუკიდებელს დავიწყებ. ჯავახიშვილში მინდა ჩაბარება საერთაშორისო ურთიერთობებზე. ვნერვიულობ, თუმცა ჩემი თავის იმედი მაქვს".

კიდევ ერთი კურსდამთავრებული ნესტან ნებაძეა. უნდა, რომ არქეოლოგიაზე ისწავლოს – "სამცხე–ჯავახეთის უნივერსიტეტში ვაბარებ. ძალიან მომწონს არქეოლოგია, განსაკუთრებით გათხრები. როდესაც, მაგალითად უძველესი ადმაიანის ძვლებს ან ჩონჩხს აღმოაჩენენ ხოლმე".

ახალციხის N3 საჯარო სკოლის კურსდამთავრებულები ღონისძიებას ხვალ, 19 მაისს გამართავენ, ხოლო ქალაქის დანარჩენი საჯარო სკოლები სასწავლო წლის დასრულებას, 25 მაისს იზეიმებენ.

ახალციხის მუნიციპალიტეტის მასშტაბით, სკოლა 500–ზე მეტმა მოსწავლემ დაასრულა.










[მარიამ ბარძიმაძე, ახალციხე]