ახალციხის სკოლებში მეთორმეტეკლასელებისთვის ბოლო ზარი დაირეკა

მასწავლებლებმა და სკოლის დირექტორებმა უკვე ყოფილ მოსწავლეებს სკოლის დამთავრება მიულოცეს და ცხოვრების გზაზე წინსვლა უსურვეს.

ახალციხის პირველი საჯარო სკოლა წელს 98 – მა მეთორმეტე კლასელმა დაამთავრა, მეხუთე საჯარო სკოლა 101 – მა, მეექვსე საჯარო სკოლა 26 – მა მეთორმეტე კლასელმა, კერძო სკოლა „მზექა“ 21 – მა და მესამე საჯარო სკოლა 35 – მა მეთორმეტე კლასელმა.

მეორე საჯარო სკოლაში კი მეთორმეტე კლასელებისთვის ბოლო ზარი 27 მაისს დაირეკება. აღნიშნულ სკოლას სულ 30 მეთორმეტე კლასელი დაამთავრებს.

[მანანა სარაშვილი, ახალციხე]