ახალციხის სკოლებში ბოლო ზარი დაირეკა [Photo]

დღეს დილიდან ახალციხის საჯარო სკოლებში საზეიმო განწყობა იყო. მეთორმეტე კლასელებმა სკოლის დამთავრება სხვადასხვა ღონისძიებით აღნიშნეს და ერთმანეთს პერანგებზე სამახსოვრო წერილები დაუტოვეს.



ახალციხის კერძო სკოლა მზექას კურსდამთავრებული დალი ტაბატაძე ამბობს, რომ სკოლის დამთავრების სიხარულს თან ბავშვობასთან გამოთხოვების სევდაც ახლავს: ,, ამის შემდეგ ჩვენ უნდა გავიკვლიოთ გზა. ბავშვები აღარ ვართ, სკოლა დავამთავრეთ და დამოუკიდებელ ცხოვრებას ვიწყებთ. წინ ყველაზე დიდი სირთულე გველის, ესაა გამოცდები, ამასაც რომ გადავლახავთ ალბათ მერე უფრო გაგვიადვილდება ყველაფერი“.

მისი თქმით, ახლა მოუთმენლად ელოდება როდის გახდება სტუდენტი: ,, თბილისში ვაპირებ წასვლას. სახელმწიფო უნივერსიტეტში მინდა რომ ჩავაბარო, ქიმიაზე. ვთვლი, რომ რთული იქნება ახალი გარემოს და ადამიანების შეგუება, თუმცა ყველა სკოლადამთავრებულის მოლოდინი, როცა ის სხვა ქალაქში აგრძელებს სწავლას თავისუფლებაა, ასევე ის, რომ დამოუკიდებლად მიიღებს გადაწყვეტილებებს“.

2017 წელს ახალციხის ყველა საჯარო სკოლა სულ 281–მა მეთორმეტეკლასელმა დაამთავრა, ხოლო მთლიანად ახალციხის მუნიციპალიტეტში დაახლოებით 460–მდე მოსწავლემ.







[მარიამ ბარძიმაძე, ახალციხე]