შს მინისტრი აქციის მონაწილეებს შეხვდება

როგორც 14 მაისს, ღამის 00:20 საათზე, გიორგი გახარიამ განაცხადა, იგი "თეთრი ხმაურის მოძრაობის" წარმომადგენელბს შეხვდება და ყველა საკითხს მათთან ერთად განიხილავს.

ამ განცხადებისა მინისტრის მხრიდან ბოდიშის მოხდის შემდეგ, აქცია, რომელიც დაახლოებით ათი საათი გრძელდებოდა დასრულდა. მონაწილეემა პარლამენტის შენობის მიმდებარე ტერიტორიას შუა ღამეს დატოვეს. ტერიტორია დატოვა სპეციალური დანიშნულების რაზმმაც.

შეგახსენებთ, რომ თბილისში, პარლამენტის შენობის წინ აქცია 12 მაისს დაიწყო და ორი დღის განმავლობაში გრძელდებოდა. "თეთრი ხმაურის მოძრაობის" ორგანიზებით ახალგაზრდები ქუჩაში მას შემდეგ გამოვიდნენ, რაც პოლიციამ კლუბებში, "ბასიანი" და "გალერი", სპეცოპერაცია ჩაატარა და რვა ნარკორეალიზატორი დააკავა. აქციის მონაწილეები ითხოვდნენ პრემიერისა და შინაგან საქმეთა მინისტრის გადადგომას, ასევე, რეპრესიული ნარკოპოლიტიკის შეცვლას.

[sknews.ge]