კონტრაქციის მონაწილეებს რუსთაველის გამზირზე მისვლის უფლებას არ აძლევენ

ფოტო netgazeti.ge
კონტრაქციის მონაწილეები აცხადებენ, რომ სამომავლოდ სპეციალურ რაზმებს შექმნიან და აქციას დაუანონსებლად გამართავენ.

"უნდა ჩამოყალიბდეს სამოქალაქო გვარდია, რადგან არსებობს შიდა დაპირისპირების საშიშროება", – განაცხადა გიორგი ჭელიძემ.

შეგახსენებთ, რომ მეორე დღეა პარლამენტის წინ “თეთრი ხმაურის მოძრაობის” მიერ ორგანიზებული აქცია მიმდინარეობს, ახალგაზრდები ქუჩაში მას შემდეგ გამოვიდნენ, რაც პოლიციამ კლუბებში, “ბასიანი” და “გალერი”, სპეცოპერაცია ჩაატარა და რვა ნარკორეალიზატორი დააკავა. ოპერაციის პარალელურად პოლიციამ კლუბების მიმდებარედ შეკრებილი ათეულობით ადამიანი დააკავა.სამართალდამცველებმა ადმინისტრაციული წესით დაკავებული ყველა პირი დილით ხელწერილით გაათავისუფლა.

აქცია გვიან ღამემდე მიმდინარეობდა, ნაწილმა პარლამენტის შენობის წინ გაათენა. დღეს 13 მაისს აქცია 15:00 საათზე დაიწყო და ამ დრომდე [17:42] გრძელდება.

პარლამენტის წინ აქციის ორგანიზატორები შეკრებილ მონაწილეებს მიმართავენ.

"ტერორი უნდა დასრულდეს ამ ქვეყანაში. ეს არ არის რომელიმე ერთი კლუბის პრობლემა, ეს ყველას ეხება. აქ შეკრებილი ადამიანები ვითხოვთ იმ პირების დასჯას, ვინც ლობირებს ნარკოტიკების შემოტანას ქვეყანაში", – აცხადებენ აქციის მონაწილეები.

აქციის მონაწილეები აცხადებენ, რომ მათ საწინააღმდეგო არაფერი აქვთ კონტრაქციის მონაწილეებთან.

„ჩვენ არ ვებრძვით ერთმანეთს, ჩვენ ვებრძვით მჩაგვერლ სისტემას. ჩვენ ერთად უნდა ავაშენოთ ეს ქვეყანა და არა ცალცალკე. ჩვენ გვინდა ამ ქვეყნის წარმატება და არა წარუმატებლობა“, - განაცხადააქციის ერთ–ერთმა მონაწილე ლაშა მესხმა პარლამენტთან მიმდინარე აქციაზე.

[sknews.ge]