კონტრაქციის ორგანიზატორი გიორგი გაბედავა დააკავეს

ფოტო:on.ge

აღნიშნულ ინფორმაციას სააგენტო On.ge-ი ავრცელებს.

სააგენტოს ინფრომაციით გიორგი გაბედავა პოლიციას წინააღმდეგობას უწევდა, რის გამოც იგი დააკავეს.

შეგახსენებთ, რომ კონტრაქციის მონაწილეები რუსთაველის გამზირზე მიმდინარე აქციასთან მისვლას გეგმავდნენ, თუმცა სამართალმაცავებმა ამის საშუალება არ მისცეს. ქაშუეთთან პოლიციასა და აქციის მონაწილეებს შორის სიტუაცია დაძაბულია.

პარალელურად პარლამეტის შენობის წინ აქცია გრძელდება, მონაწილეები ელექტრონული მუსიკის ფონზე ცეკვავენ.

სოლიდარობის აქციები გაიმართა ნიუ-იორკში, ტალინში, პარიზსა და ბერლინში. დღეს,13 მაისს ბერლინში კიდევ ერთი აქციაა დაგეგმილი.

შეგახსენებთ, რომ რუსთაველის გამზირზე მრავალათასიანი აქცია გუშინ 12 მაისს დაიწყო, აქციის მონაწილეები სამართალდამცვების მხრიდან კლუბებში ჩატარებულ სპეცოპერაციას აპროტესტებენ.აქციის მონაწილეები ითხოვენ პრემიერისა და შინაგან საქმეთა მინისტრის გადადგომას, ასევე, რეპრესიული ნარკოპოლიტიკის შეცვლას.

[sknews.ge]