რა ღონისძიებებს გამართავს საპატრიარქო 17 მაისს

როგორც საპატრიარქოს ვებ–გვერდზე გამოქვეყნებულ ინფორმაციაშია ნათქვამი, საზეიმო წირვა ქაშუეთის წმინდა გიორგის სახელობის ტაძარში
10:00 საათზე დაიწყება, გარეთ დამონტაჟებული იქნება მონიტორები.

11:30 საათზე მოხდება გვარების შეკრება ფილარმონიასთან, 12:00 საათზე დაიწყება აწყურის ღვთისმშობლის ხატით მსვლელობა ვარდების მოედნიდან; პარალელურად, წირვის დასრულების შემდეგ ქაშუეთთან დაილოცება მრავალშვილიანი (ექვს შვილიანი) ოჯახები;

13:00 საათზე ქაშუეთიდან შეკრებილი მრევლი შეურთდება ვარდების მოედნიდან მსვლელობის მონაწილეებს და ერთად გაემართებიან სამების საკათედრო ტაძრისკენ, სადაც დაახლოებით 14:00 საათზე მათ საქართველოს პატრიარქი ილია მეორე შეხვდება. გადაიხდიან სამადლობელ პარაკლისს და კიდევ ერთხელ დაილოცება ერი.

შეგახსენებთ, რომ 17 მაისი ჰომოფობიასთან და ტრანსფობიასთან ბრძოლის საერთაშორისო დღეა. ამ დღის საქართველოში აღნიშნვას ეწინააღმდეგება მართლმადიდებელი ეკლესია და მისი მრევლი. საქართველოს პატრიარქის კურთხევით ეს დღე 2013 წელს ოჯახის სიმტკიცის დღედ გამოცხადდა.

[sknes.ge]