მესამე დღეა მეხანძრეები საკირეში ცეცხლის ლიკვიდაციას ცდილობენ

ეროვნული სატყეო სააგენტოს ინფორმაციით, იმისთვის რომ ტყეში კერები ხელახლა არ გაღვივდეს, მეხანძრეები ტყეში კიდევ ორ დღეს დარჩებიან.

სოფელ საკირეში მერის წარმომადგენლის თამაზ ჩუტკერაშვილის განცხადებით, ლიკვიდირების შემდეგ მეხანძრეების ერთი ჯგუფი სოფელში კიდევ დარჩება: „იმორიგევებენ, რომ ხანძრის ისევ გაჩენისგან დაზღვეულები ვიყოთ“.

ბორჯომში, საკირეს ტყეში ხანძარი 30 აპრილს, დაახლოებით, 19:00 საათზე გაჩნდა. ორ ჰექტარზე ხანძრის ათამდე კერა იყო. ამ დროის ინფორმაციით დამწვარია ნახევარი ჰექტარი. ხანძრის გამომწვევ მიზეზებს შინაგან საქმეთა სამინისტრო იძიებს.

[მარიამ ბარძიმაძე, ახალციხე]