გიორგი მღებრიშვილი: ‘ხანძრის მონიტორინგში დრონები ჩაერთვება’

საგანგებო სიტუაციების მართვის სამსახურის უფროსის გიორგი მღებრიშვილის განცხადებით, საკირეს ტყეში ორ ჰექტარ ფართობზე, დაახლოებით, 10–მდე ცეცხლის კერა იყო გაჩენილი.

„ამ ეტაპისთვის ხანძარი ლოკალიზებულია, მაგრამ 70–მდე მეხანძრე–მაშველი შემოგვემატება კიდევ იმისთვის, რომ ორი დღის განავლობაში მკაცრი მონიტორინგი განხორციელდეს. არ გვინდა, რომ კიდევ სადმე ახალი კერა გაჩნდეს. ამ დროისთვის კი ამის საშიშროება არ არსებობს“, – ამბობს მღებრიშვილი.

რაც შეეხება ხანძრის გაჩენის შესაძლო მიზეზს, მისი თქმით, „აქ ადამიანის ხელი ურევია“ და ბუნებრივი ფაქტორები გამორიცხულია.

შეგახსენებთ, რომ ბორჯომში, სოფელ საკირეში ხანძრი, გუშინ, 30 აპრილს, დაახლოებით, 19:00 საათისთვის გაჩნდა. დაახლოებით ნახევარ ჰექტარზე, ცეცხლი წიწვოვან ტყეს უკიდია. ხანძარი სოფლიდან, დაახლოებით, შვიდი კილომეტრის მოშორებითაა.

[ksnews.ge]