საკირეს ტყეში ხანძრის გაჩენის ფაქტზე შსს–მ ძიება დაიწყო

შინაგან საქმეთა სამინისტრომ სოფელ საკირეს ტყეში ხანძრის გაჩენის ფაქტზე გამოძიება 187–ე მუხლის მეორე ნაწილით დაიწყო, რაც ნივთის დაზიანებას, ან განადგურებას ცეცხლის წაკიდებით ან აფეთქებით გულისხმობს და ისჯება თავისუფლების აღკვეთით ვადით სამიდან ხუთ წლამდე.

სამცხე–ჯავახეთის სატყეო სამსახურის უფროსის კახა გაზდელიანის განცხადებით, ამ დროისთვის [12:10] საკირეს ტყეში ხანძარი ლოკალიზებულია და გავრცელების საშიშროება აღარ არსებობს.

შეგახსენებთ, რომ ბორჯომში, სოფელ საკირეში ხანძრი, გუშინ, 30 აპრილს, დაახლოებით, 19:00 საათისთვის გაჩნდა. დაახლოებით ნახევარ ჰექტარზე, ცეცხლი წიწვოვან ტყეს უკიდია. ხანძარი სოფლიდან, დაახლოებით, შვიდი კილომეტრის მოშორებითაა.

[sknews.ge]