ახალციხეში მაგიდის ჩოგბურთში 'სასკოლო სპორტული ოლიმპიადა 2018' გაიმართა

სპორტული ღონისძიება, ახალციხის მეხუთე საჯარო სკოლაში, დღეს 25 თებერვალს ჩატარდა.ერთმანეთს ახალციხის, ადიგენის, ასპინძის, ახალქალაქისა და ნინოწმინდის გუნდები დაუპირისპირდნენ.

გოგონებში ფინალში ადიგენისა და ასპინძის გუნდები შეხვდნენ, გამარჯვება ადიგენის გუნდმა მოიპოვა. ხოლო ვაჟებში ახალქალაქისა და ასპინძის გუნდებს შორის პირველობა ახალქალაქის გუნდს ხვდა წილად.

გამარჯვებული გუნდები ახალციხის მუნიციპალიტეტის მერიამ სიგელებითა და მედლებით დააჯილდოვა.

სასკოლი სპორტული ოლიმპიადა საქართველოს ბავშვთა და სასკოლო სპორტის ეროვნული ფედერაციის მიერ მე-4 წელია ტარდება. „ოლიმპიადა 2018“-ში 1700-ზე მეტი სკოლის 100 000-მდე მოსწავლე იღებს მონაწილეობას.

შემდეგი ეტაპი - ზონალური თამაშები მაისში გაიმართება, ივნისის ბოლოს კი ოლიმპიადის ფინალურ თამაშებში საქართველოს ჩემპიონები გამოავლინდებიან. ფინალისტები 2018 წლის ჩემპიონის სტატუსს მოიპოვებენ,რომლებიც მომავალი 2019 წლის ჩემპიონებს სუპერფინალში შეხვდებიან და 2020 წელს მსოფლიო სასკოლო ჩემპიონატის საგზურისათვის იბრძოლებენ.

ღონიძიებას ორგანიზება ახალციხის მუნიციპალიტეტის მერიის კულტურის სამსახურმა გაუწია. „ოლიმპიადა 2018“-ის გენერალური სპონსორია VTB ბანკი.

[sknews.ge]