ბორჯომის საკრებულოს თავმჯდომარე ზაზა ჩაჩანიძე თანამდებობიდან გადააყენეს

დღევანდელ სხდომაზე დეპუტატებს სამი საკითხი უნდა განეხილათ და მათგან იმპიჩმენტის საკითხი პირველი იყო. ზაზა ჩაჩანიძის გადაყენების საკითხის განხილვას მხოლოდ "ქართული ოცნებისა" და "პატრიოტთა ალიანსის" დეპუტატები ესწრებოდნენ, – 13 დეპუტატი "ოცნებიდან" (სრული შემადგენლობა) და 8 – "პატრიოტებიდან. სულ საკრებულოში 11 დეპუტატია "პატრიოტთა ალიანსიდან". ამ სხდომას არ დაესწრო სამი მათგანი, მათ შორის, ერთი თავად საკრებულოს თავმჯდომარე ზაზა ჩაჩანიძე.

ასევე, საკითხის განხილვაში არ მონაწილეობდნენ სხვა ოპოზიციონერი დეპუტატები: 'ნაციონალური მოძრაობის' ორი, 'ლეიბორისტების' ერთი და 'ევროპელების' ერთი წარმომადგენელი.

დღესვე საკრებულოში კიდევ ორ საკითხს განიხილავენ – მერიის თანამშრომელთა საშტატო ნუსხისა და ხეფასების და ასევე, საკრებულო ცნობად მიიღებს "ქართული ოცნების" ფრაქციის თავმჯდომარის მოადგილის დანიშვნას.

დღეს საკრებულო ახალ თავმჯდომარეს არ აირჩევს.









[sknews.ge]