ბორჯომის საკრებულოში სპეციალური ბრიფინგი იგეგმება [Video]

ისინი ამბობენ, რომ ბორჯომში საკრებულოს თავმჯდომარის, ზაზა ჩაჩანიძისა და ოპოზიციური საკლრებულოს მხარდასაჭერად ჩამოვიდნენ.

ამ წუთებში ზაზა ჩაჩანიძის კაბინეტში მიმდინარეობს შეხვედრა, რომელსაც მხოლოდ საკრებულოს ოპოზიციონერი დეპუტატები ესწრებიან.

კითხვაზე, არიან თუ არა ამ შეხვედრაზე მიწვეული "ქართული ოცნების" დეპუტატები, ლიდერთა საბჭოს წევრები განმარტავენ, რომ მათ არავინ მიუწვევიათ, მაგრამ, თუ ვინმე დასწრების სურვილს გამოთქვამს, შეუძლიათ დაესწრონ.



ზაზა ჩაჩანიძის განცხადებით, შეხვედრის დასრულების შემდეგ იგი სპეციალურ ბრიფინგს გამართავს.

ბორჯომის საკრებულოს თავმჯდომარეს, ზაზა ჩაჩანიძეს, რომელიც "პატრიოტთა ალიანსის" წევრია, დეპუტატების ნაწილი იმპიჩმენტს უპირებს. განცხადება, შესაბამისი მოთხოვნით, საკრებულოში 21 მარტს, შევიდა. დოკუმენტს 15 დეპუტატი აწერს ხელს. მათგან ორი, მამუკა ლურსმანაშვილი და ტატიანა მარტინენკო ზაზა ჩაჩანიძის თანაგუნდელები არიან, 13 კი „ქართული ოცნების“ დეპუტატია.

ზაზა ჩაჩანიძის გადაყენებას კენჭს ფარულად ხვალ, 28 მარტს დანიშნულ სხდომაზე უყრიან. იმპიჩმენტისთვის საკრებულოს დეპუტატების სიითი შემადგენლობის ნახევარზე მეტი, ანუ 15 დეპუტატის ხმა სჭირდება. ბორჯომის საკრებულოში სულ 28 დეპუტატია.

[sknews.ge]