ბორჯომის საკრებულოს თავმჯდომარემ მოადგილედ "ოცნების" წევრი წარადგინა

მოადგილის ასარჩევად კენჭისყრა ამ წუთებში იწყება.

"სამხრეთის კარიბჭეს" კითხვაზე, რატომ დაასახელა "ქართული ოცნების" წევრი მოადგილედ, გიორგი გოგიჩაიშვილი გვპასუხობს:"მეტი პარიტეტულობისთვის და იმისთვის, რომ საკრებულოს ყველა დეპუტატს ინფორმაციაზე წვდომა თანაბრად ჰქონდეს".

"ქართული ოცნების" და "პატრიოტთა ალიანსის" დეპუტატები აცხადებენ, რომ ისინი ერთად შეთანხმდნენ როგორც თავმჯდომარის, ასევე მისი მოადგილის პოზიციებზე.

"ერთად ვიმსჯელეთ და იმიტომ დავუჭირეთ მხარი საკრებულოს თავმჯდომარედ გიორგი გოგიჩაიშვილის არჩევას", – ამბობს "ქართული ოცნების" დეპუტატი გიორგი ფერაძე.

შეგახსენებთ, რომ ბორჯომის საკრებულოს თავმჯდომარე ზაზა ჩაჩანიძე 28 მარტს გადააყენეს. 21 დეპუტატიდან ჩაჩანიძის იმპიჩმენტს მხარი 19–მა დაუჭირა, მათ შორის, ექვსი მისი თანაგუნდელი იყო. ზაზა ჩაჩანიძის იმპიჩმენტს მხარი დაუჭირა გიორგი გოგიჩაიშვილმაც.

[sknews.ge]