პარლამენტში გენდერულ კვოტირებაზე კანონპროექტი ჩავარდა

კანონპროექტს მხარი მხოლოდ 66-მა დეპუტატმა დაუჭირა. „საარჩევნო კოდექსში", როგორც ორგანულ კანონში ცვლილების შეტანას კი 75 დეპუტატის მხარდაჭერა სჭირდებოდა.

კანონპროექტს ხმა არ მისცა ახალციხე–ადიგენის მაჟორიტარმა დეპუტატმა გიორგი კოპაძემ, ასევე ასპინძა–ბორჯომის მაჟორიტარმა დეპუტატმა გედევან ფოფხაძემ. რაც შეეხება ახალქალაქი–ნინოწმინდის დეპუტატს ენზელ მკოიანს, იგი სხდომას არ ესწრებოდა.

აღსანიშნავია, რომ გენდერულ კვოტირებას მხარი არ დაუჭირა „ევროპულმა საქართველომ".

საქართველოს პარლამენტის თავმჯდომარე ამბობს, რომ "პარლამენტი კვოტირების საკითხს მომავალ კვირაში ისევ მიუბრუნდება".

[sknews.ge]