FM97.5 / LIVE

გედევან ფოფხაძე: კანონპროექტი ბიძინა ივანიშვილის დაკვეთით ჩავარდა

მთავარისიახლე, პოლიტიკა 14.11.2019
ბორჯომისა და ასპინძის მაჟორიტარი, პარლამენტის წევრი გედევან ფოფხაძე კანონპროექტის ჩავარდნას პოლიტიკურ შეთანხმებას უწოდებს. მისი თქმით, ეს იყო ბიძინა ივანიშვილის დაკვეთა, რომელიც უნდა შესრულებულიყო.

გედევან ფოფხაძე: კანონპროექტი ბიძინა ივანიშვილის დაკვეთით ჩავარდა

„საერთაშორისო რეზოლუციებში პროპორციულ სისტემაზე გადასვლა იყო პოზიტიურად შეფასებული, ქვეყნის შიგნით კი უმრავლესობა უჭერდა მხარს ამ გადაწყვეტილებას. გარდა ამისა ეს იყო ხელისუფლების საჯარო დაპირება, რომელიც არ შესრულდა“, – განაცხადა „სამხრეთის კარიბჭესთან“ ბორჯომი–ასპინძის მაჟორიტარმა დეპუტატმა გედევან ფოფხაძემ.

მისი თქმით, ეს იყო მმართველ გუნდთან შეთანხმება, რომელიც უნდა შესრულებულიყო: „როცა ხელს აწერ, მერე სპექტაკლს დგამ და გადაწყვეტილებას ცვლი, სამარცხვინო საქციელია. ეს პირადად ბიძინა ივანიშვილის გადაწყვეტილებაა“.

გედევან ფოფხაძე დღეს რუსთაველზე მიმდინარე საპროტესტო აქციასაც შეუერთდა. რუსთავი 2 –ის ეთერში მან მოუწოდა ყველას, რომ აქციას მისულიყვნენ.

"პარლამენტზე მეტი ლეგიტიმაცია შეიძლება იყოს აქ, რუსთაველზე. მოვა ქართველი ხალხი თუ ჩვენ აქ ვიქნებით დიდი რაოდენობით, აქ მივიღებთ გადაწყვეტილებებს საქართველოს მომავალთან დაკავშირებით", — თქვა გედევან ფოფხაძემ რუსთავი 2-თან საუბრისას.

დღეს, 14 ნოემბერს, საქართველოს პარლამენტმა ჩააგდო კანონპროექტი 2020 წლის არჩევნების პროპორციული წესით ჩატარების შესახებ. ინიციატივას 101-მა დეპუტატმა დაუჭირა მხარი, სამი კი წინააღმდეგი იყო.

ინიციატივის პირველი მოსმენით მისაღებად 113 ხმა იყო საჭირო. კენჭისყრამდე რეგისტრაცია 141-მა დეპუტატმა გაიარა. 37-მა დეპუტატმა კენჭისყრაში მონაწილეობისაგან თავი შეიკავა.

პროპორციულ საარჩევნო სისტემაზე გადასვლას ახალქალაქი-ნინოწმინდის დეპუტატმა ენზელ მკოიანმა მხარი არ დაუჭირა. ახალციხე-ადიგენის დეპუტატმა გიორგი კოპაძემ კი კენჭისყრაში მონაწილეობა არ მიიღო. დეპუტატები "სამხრეთის კარიბჭეს" ზარებს არ პასუხობენ.

კანონპროექტის ჩაგდების გამო, უმრავლესობა დატოვეს თამარ ჩუგოშვილმა და შვიდმა დეპუტატმა.

მოძრაობა „სირცხვილიას“ და „შეცვალეს“ წევრებმა საპროტესტო აქციის მთავარი მოთხოვნა დაასახელეს. როგორც შოთა დიღმელაშვილმა თქვა, ისინი ვადამდელ არჩევნებს მოითხოვენ, მანამდე კი ქვეყანას გარდამავალმა მთავრობამ უნდა უხელმძღვანელოს.

[რობი ზარიძე, ახალციხე]


24.10.2020 პროექტი 'ევროპული სწავლების სამკუთხედი' ახალციხის სკოლებში

23.10.2020 ახალციხის 9 ბაღში სწავლა 4 დღით შეწყდება

22.10.2020 კორონავირუსის გამო ახალქალაქის 2 სკოლაში დისტანციურად სწავლობენ

22.10.2020 კორონავირუსის გამო ნინოწმინდის 4 სკოლაში დისტანციურად სწავლობენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.10.2020 ‘ენზელ მკოიანის აქტივისტმა დამარტყა’ – სამველ მანუკიანი ახალქალაქში მომხდარ ინციდენტზე

26.10.2020 ‘გადაუხდელობის გამო, ბუნებრივი აირის მიწოდება არ შეწყდება’ – ‘ინტერგაზი’

25.10.2020 ბორჯომ–ხარაგაულის ეროვნული პარკი „Welcome To Georgia“– ს დაჯილდოებაზეა ნომინირებული

24.10.2020 სამცხე–ჯავახეთში უქმე დღეებში თბილი და მზიანი ამინდია მოსალოდნელი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.10.2020 SKამბები: მოხუცების სოფელი [აუდიო]

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

მსგავს თემაზე

პროპორციულ სისტემაზე გადასვლის კანონპროექტის ჩაგდების გამო, პარლამენტთან აქცია მიმდინარეობს
‘ბიძინამ ქართველი ხალხი გადააგდო’,– თბილისში აქციას სამცხე–ჯავახეთიდან უერთდებიან
კოპაძემ და მკოიანმა პროპორციულ საარჩევნო სისტემაზე გადასვლას მხარი არ დაუჭირეს
პარლამენტში გენდერულ კვოტირებაზე კანონპროექტი ჩავარდა
გედევან ფოფხაძე 'ოცნებას' ტოვებს
‘ქვეყანა მზად არაა პროპორციული სისტემისთვის’ – დეპუტატები სამცხე–ჯავახეთიდან
‘ოპოზიცია, რომელიც ასეთი საკითხის განხილვაზე არ შემოდის, არის არასახელმწიფოებრივად მოაზროვნე’- ფოფხაძე