რაგბის კლუბი ‘ტაო’ პირველ ლიგაში მოსახვედრად იბრძოლებს

“ტაოს” გუნდის წევრი გიორგი ვედიაკოვი დარწმუნებულია, რომ 31 მარტს მის გუნდს ზესტაფონში მოგება არ გაუჭირდება: „წინა თამაშში "არწივები" 112:0 დავამარცხეთ და რა თქმა უნდა მოლოდინი დიდი გვაქვს“.

ყველაზე მნიშვნელოვანი ორი შერკინება “ტაოს” მაინც თბილისის გუნდთან ელოდება. სამცხე-ჯავახეთის კლუბი “დევებს” რეგიონთაშორის პლეი’ოფში 14–15 და 21–22 აპრილს შეხვდება.

„ესენი არიან დიდი რაგბიდან წამოსული მორაგბეები, რომლებმაც სამოყვარულო გუნდი შექმნეს. ძლიერი გუნდია და ჩვენ მაქსიმალურად შევეცდებით, გამარჯვება მოვიპოვოთ“, - ამბობს გიორგი.

“ტაოს” პლეი’ოფის თამაშები და საბოლოო ქულები განსაზღვრავს, ითამაშებს თუ არა კლუბი სექტემბრიდან პირველ ლიგაში.

რეგიონალური ლიგის ჩემპიონატი მაისის ბოლოს დასრულდება.

[მარიამ ბარძიმაძე, ახალციხე]