‘ტაომ’ ფოთის კლუბი ‘ივერია’ დაამარცხა

ფოტო არქივიდან

„ტაოსა“ და „ივერიის“ თამაში დღეს, 21 ოქტომბერს ფოთში გაიმართა.

„პირველ ტაიმში თამაში ცოტა გაგვიჭირდა, მეორე ტაიმის ბოლო წუთებზე გავუტანეთ ლელო და დავამარცხეთ“, – ამბობენ "ტაოს" მორაგბეები.

27 ოქტომბერს "ტაოს" გუნდი ქუთაისის "არსესს" დაუპირისპირდება. თამაში ასპინძის სარაგბო ბაზაზე გაიმართება.


შეგახსენებთ, რომ სამცხე–ჯავახეთის სარაგბო კლუბი "ტაო" თბილისის "იუნკერებ" ასპინძის სარაგბო ბაზაზე 13 ოქტომბერს დაუპირისპირდა. პირველი ლიგის მეორე შეხვედრაზე რეგიონის სარაგბო გუნდი ანგარიშით 36 : 15 დამარცხდა.

პირველ ლიგაში რვა გუნდია. სარაგბო კლუბი "ტაო" შემოდგომით ჯამში ცხრა თამაშს გამართავს, გაზაფხულზე კი ხუთს.

[თინათინ ზაზაძე, ახალციხე]