რაგბის გუნდმა ‘ტაომ’ ზესტაფონის ‘არწივები’ დაამარცხა

შეხვედრა საქართველოს რეგიონული ლიგის ჩემპიონატის ფარგლებში, ზესტაფონში გაიმართა. ამ თამაშით „ტაომ“დასავლეთის ქვეჯგუფის თამაშები დაასრულდა. ახლა გუნდი პლეი’ოფებისთვის ემზადება.

„ეს იყო დასავლეთის ქვეჯგუფის ბოლო თამაში, ამის შემდეგ უკვე პლეი’ოფებს ვიწყებთ“,– ამბობს სარაგბო კლუბ „ტაოს“ მწვრთნელი მალხაზ ჭეიშვილი.

გუნდი პირველ ლიგაში მოსახვედრად იბრძვის. ყველაზე მნიშვნელოვანი ორი თამაში „ტაოს“ თბილისის გუნდთან ელოდება. სამცხე ჯავახეთის კლუბი „დევებს“ რეგიონთაშორის პლეი’ოფში 14–15 და 21–22 აპრილს შეხვდება.

საბოლოოდ კი ერთმანეთს დასავლეთის და აღმოსავლეთის ქვეჯგუფის პლეი’ოფების გამარჯვებულები შეერკინებიან და პირველ ლიგაში გამსვლელები გამოვლინდებიან.

[მარიამ ბარძიმაძე, ახალციხე]