'ახალციხის ციხის' ყოფილი დირექტორი კულტურის სამსახურის უფროსად დანიშნეს

ზაზა თამარაშვილი ახალციხის მერიაში მუშაობას უკვე შეუდგa და მისი დანიშვნის შესახებ ბრძანებას ხელი მოეწერა.

თამარაშვილი ახალციხის მერიამ საჯარო მოხელეეებისთვის გამოცხადებული კონკურსის წესით შეარჩია.

ზაზა თამარაშვილთან დაკავშირება ვერ შევძელით, მერიაში აცხადებენ, რომ დღეს იგი სამსახურში არაა და თბილისში იმყოფება, ჩვენ სატელეფონო ზარებს კი არ უპასუხა.

თამარაშვილი 2018 წლის ხუთ თებერვალმდე „ახალციხის ციხის“ დირექტორი იყო, თუმცა, იგი ამ პოზიციაზე ახალციხის მერის ყოფილმა მოადგილემ დავით ტაბატაძემ ჩაანაცვლა.

„ახალციხის ციხის“ დირექტორობამდე თამარაშვილი (2014 წლის ივლისიდან – 2016 წლის აგვისტომდე) ახალციხის მერის გიორგი კოპაძის მოადგილედ მუშაობდა. თამარაშვილი იყო ციხის ის დირექტორი, რომელსაც გიორგი კოპაძე ორი წლის განმავლობაში არჩევდა.

[თამუნა უჩიძე, ახალციხე]