საფეხური: ვინ უნდა დაიცვას ბავშვების უსაფრთხოება სკოლებში [Audio]

მთავარი → განათლება–რადიო 08.02.2018

ნაქალაქევის სკოლაში დაშავებული მეორეკლასელი გოგონა ადმინისტრაციამ სახლში ექიმის დახმარების გარეშე გაუშვა, რითაც მისი ჯანმრთელობა საფრთხის ქვეშ დააყენა; ტოლოშის სკოლაში კი მოხსნეს დირექტორი, რადგან ვერ შეძლო მოსწავლეებისთვის უსაფრთხო გარემოს შექმნა – გადაცემაში 'საფეხური' ვსაუბრობთ მოსწავლეთა ფიზიკურ და ფსიქოლოგიურ უსაფრთხობაზე სკოლებში.

გადაცემის სტუმარია ტრენერი ნანა იოსელიანი, რომელიც წლების განმავლობაში მუშაობდა განათლების სფეროში.

სკოლებში მოსწავლეთა უსაფრთხოებისა და ჩაგვრის თემაზე "სამხრეთის კარიბჭეს" არაერთი მასლა აქვს მომხადებული. ორი ასეთი თემა გამოცემამ დღეს გამოაქვეყნა.

მასალაში: ნაქალაქევის სკოლამ დაშავებული მეორეკლასელი სახლში ექიმის დახმარების გარეშე გაუშვა საუბარია ასპინძაში, სოფელ ნაქალაქევის სკოლაში 29 იანვარს მომხდარ შემთხვევაზე. მეორეკლასელ გოგონას შესვენებაზე ერთი წლით უფროსმა თანასკოლელმა ხელი ჰკრა და სახით კედელს დააჯახა. გოგონას ლოყა და თვალი დაუზიანდა. დაშავებულს დამრიგებელმა სველი ხელსახოცი დაადო და სახლში უფროსკლასელ ბიძაშვილს გააყოლა. უფლებადამცველები ამბობენ, რომ სკოლის ადმინისტრაციამ ბავშვის ჯანმრთელობა საფრთხის ქვეშ დააყენა. სკოლაში კი ფიქრობენ, რომ "საგანგაშო არაფერი მომხდარა".

სტატია: ტოლოშის სკოლაში, მოუწესრიგებელი საპირფარეშოების გამო, დირექტორი მოხსნეს ასევე ასპინძაში, ტოლოშის სკოლაში მომხდარ გახმაურებულ შემთხვევას ეხება. ერთ–ერთი გოგონა ყვება, რომ მას თანასკოლელმა ბიჭმა საპირფარეშოში ვიდეო გადაუღო. ეს იმიტომ მოხდა, რომ ტუალეტებს იზოლირებული და დაცული გამყოფი კედლები არ აქვთ; ამ ფაქტის გამო კი სკოლის 12 მოსწავლეს ერთი კვირით მობილური ტელეფონები ჩამოართვეს და შეუმოწმეს. ამბის გახმაურების შემდეგ სკოლაში აუდიტი შევიდა, სხვაც არაერთი დარღვევა აღმოაჩინა და დირექტორი მოხსნა.

[sknews.ge]