დღეს ახალციხეში ელექტრონული პეტიციების პლატფორმას წარადგენენ

ichange.gov.ge მოქალაქეთა ელექტრონული პეტიციების ოფიციალური სამთავრობო პლატფორმაა, რომლის განხორციელების ვალდებულება საქართველოს მთავრობის ადმინისტრაციამ აიღო ღია მმართველობის პარტნიორობის (OGP) საქართველოს მეორე სამოქმედო გეგმის მიხედვით.

პორტალის დახმარებით საქართველოს ნებისმიერ სრულწლოვან მოქალაქეს ან/და მოქალაქეთა ჯგუფს შეუძლია პეტიციის საშუალებით საქართველოს მთავრობის ყურადღება გაამახვილოს იმ საკითხზე, რომელიც მისი აზრით განსაკუთრებით მნიშვნელოვანია. შესაბამისი კრიტერიუმების დაკმაყოფილების შემთხვევაში, საქართველოს მთავრობა ვალდებულია, განიხილოს პეტიციაში აღწერილი საკითხი და მოახდინოს რეაგირება.

პლატფორმების პრეზენტაცია საქართველოს რეგიონებში 24 იანვრიდან დაიწყო. საინფორმაციო შეხვედრებს არასამთავრობო ორგანიზაცია "სიდას" აღმასრულებელი დირექტორი ზვიად დევდარიანი და ახალგაზრდა იურისტთა ასოციაციის იურისტი სალომე საღარაძე უძღვებიან, რომლებიც ადგილობრივი თვითმმართველობების, სამოქალაქო ორგანიზაციების და მედიის წარმომადგენლებს პორტალის მოხმარების წესებსა და პირობებს აცნობენ.

ახალციხეში პრეზენტაცა 12:00 საათზე, დემოკრატიული ჩართულობის ცენტრში შედგება, მისამართზე: მანველიშვილის N19.

[sknews.ge]