5 წლამდე ბავშვების სრული უფასო სამედიცინო მომსახურების მოთხოვნით პეტიცია შეიქმნა

აღნიშნული პეტიცია ცენტრის ხელმძღვანელმა მაკა სუდაძემ დღეს, 21 თებერვალს, ახალციხის მცხოვრებლებს გააცნო.

მისი განმარტებით, საყოველთაო ჯანდაცვის პროგრამა, 0–დან ხუთ წლამდე ასაკის ბავშვების სამედიცინო მომსახურებას მხოლოდ ნაწილობრივ აფინანსებს: „ამ ასაკის ბავშვებისთვის ახლა მხოლოდ ანალიზების გაკეთებაა შესაძლებელი. იქნებ ჩვენმა პეტიციამ შედეგი გამოიღოს და სრულად დააფინანსონ როგორც გამოკვლევები, ისე ამბულატორიული და სტაციონალური მკურნალობა“.

პეტიცია, მოქალაქეთა ელექტრონული პეტიციების ოფიციალური სამთავრობო პლატფორმაზე 19 თებერვალს შეიქმნა. იმისათვის, რომ მთავრობამ განიხილოს, მან 10 000 ხელმოწერა უნდა დააგროვოს.

მაკა სუდაძე გეგმავს, რომ ამ პეტიციის შესახებ ინფორმაცია მაქსიმუალურად მიიტანოს მოსახლეობამდე და ამისთვის სვადასხვა ადგილებში, სხვადასხვა ტიპის შეხვედრების გამართვას გეგმავს.



დღევანდელ შეხვედრაზე მაკა სუდაძემ ელექტრონული პეტიციების ოფიციალურ სამთავრობო პლატფორმაზეც ისაუბრა.

ichange.gov.ge მოქალაქეთა ელექტრონული პეტიციების ოფიციალური სამთავრობო პლატფორმაა, რომლის დახმარებით საქართველოს ნებისმიერ სრულწლოვან მოქალაქეს ან/და მოქალაქეთა ჯგუფს შეუძლია მთავრობის ყურადღება გაამახვილოს იმ საკითხზე, რომელიც მისი აზრით განსაკუთრებით მნიშვნელოვანია.

აქვე, ამ პეტიციაზე ხელმოწერა ამ ბმულიდან შეგიძლიათ

[ლუბა გიორგაძე, ახალციხე]