ახალციხეში თვითმმართველობის საქმიანობაში მოქალაქეთა ჩართულობის გაზრდაზე იმსჯელეს

ტრენინგი პროექტის „მოქალაქეების თანამშრომლობა ადგილობრივი თვითმმართველობის ორგანოების გადაწყვეტილების მიღების პროცესში: ევროკავშირის გამოცდილების გაცნობა“, ფარგლებში შედგა.

პროექტს სომხეთის ახალგაზრდა იურისტთა ასოციაცია, საქართველოს ახალგაზრდა იურისტთა ასოციაციასა და არასამთავრობო ორგანიზაცია „აგორა ცე“–სთან პარტნიორობით ახორციელებს. პროექტი, რომელსაც ჩეხეთის რესპუბლიკის საგარეო საქმეთა სამინისტრო აფინანსებს, ორ ქვეყანაში: საქართველოსა და სომხეთში ხორციელდება.

სწორედ ჩეხეთის რესპუბლიკის ადგილობრივი თვითმმართველობის ორგანოების გადაწყვეტილების მიღების პროცესში, მოქალაქეთა ჩართულობაზე, სამოქალაქო ზედამხედველობის საუკეთესო პრაქტიკასა და გამოცდილების გაზიარებაზე ისაუბრა ახალგაზრდა იურისტთა ასოციაციის გორის ოფისის წარმომადგენელმა ქეთევან ბებიაშვილმა.

„შეხვედრა გამოიჩეოდა აქტიურობით. ჰქონდათ ძალიან კარგი და კრეატიული იდეები პრობლემის მოსაგვარებლად. რამდენიმე საკითხი მოვნიშნეთ, რომელიც შეიძლება საკანონმდებლო დონეზე იქნეს გათვალსიწინებული, ვინაიდან საქართველოს პარლამენტი მუშაობს მოქლაქეთა ჩართულობის მექანიზმის შექმნაზე“, – ამბობს ბებიაშვილი.

მისი თქმით, ახალციხე და ვალე, სადაც მსგავსი ტრენინგენი ჩატარდება, სპეციფიკური პრობლემების გამო შეარჩიეს. გაითვალსწინეს ის ფაქტიც, რომ მუნიციპალიტეტი თვითმმართველ ქალაქად და თემად იყოფა: „სხვა რაიონებისგნა განსხვავებით, ეს მხარე განსაკუთრებულად ჩაკეტილია, როგორც საზოგადოება, ასევე თვითმმართველობა. ვალეში თვის ბოლოს გავმართავთ შეხვედრას. გვინდა თვითონ მოსახლეობისგან წამოვიდეს იდეები. გამოკვეთილი რეკომენდაციების საფუძველზე მივმართავთ ახლადშექმნილ საკრებულოს შემდგომი რეაგირებისთვის“.

შეხვედრას, რომელის ახალციხის დემოკრატიული ჩართულობის ცენტრში გაიმართა, ადგილობრივი თვითმმართველობის წარმომადგენლები, სამოქალაქო ორგანიზაციები, მედიის წარმომადგენლები და თემის აქტიური წევრები ესწრებოდნენ.

პროექტის განხორციელება 2014 წლის 1 მაისს დაიწყო და 31 აგვისტოს დამთავრდება. შემაჯამებელი კონფერენცია სომხეთში ჩატარდება.

[თინათინ ზაზაძე, ახალციხე]