მეცხოველეობის ბაზარში თურქულით დაავადებული ძროხა გაიყიდა?

ახალციხის მუნიციპალიტეტის სოფელ ხეოთში მცხოვრები ფერმერი ბეგლარ ვეშაგური აცხადებს, რომ ძროხა, რომელიც მისმა თანასოფლელმა ახალციხის მეცხოველეობის ბაზარში შეიძინა, თურქულითაა დაავადებული.

”როგორც კი გავიგეთ, რომ ძროხა დაავადებული იყო, სოფლის რწმუნებულს შევატყობინეთ, რომ თურუქლზე აცრა სოფელში რაც შეიძლება სწრაფად დაიწყოს”, - ამბობს ვეშაგური.

ურავლის ტერიტორიული ირგანოს რწმუნებულის ბადრი ზაზაძის განცხადებით, თუ თურქულზე აცრა დროულად არ დაიწყო, საქონელს ფერმერები მთაში გარეკავენ და ასე დაავადების გავრცელების ალბათობა იზრდება, რადგან მთაში პირუტყვს აღარავინ აცრის.

სურსათის ეროვნული სააგენტოს სამცხე-ჯავახეთის სამმართველოს სპეციალისტის არტურ ხნკოიანის თქმით, ვაქცინა საქართველოში უკვე ჩამოსულია და აცრები 3 ივნისიდან დაიწყება.

რაც შეეხება დაავადებული პირუტყვის ბაზარში გაყიდვას, ახალციხის მეცხოველეობის ბაზრის დირექტორი იური გელაშვილი აცხადებს, რომ თუ საქონელი ფერმერმა ნამდვილად ბაზარში შეიძინა, პასუხისმგებლობას არ იცილებს: ”მაგრამ, ჯერ ფერმერი უნდა მოვიდეს და მოიტანოს რეგისტრაციის ფურცელი, რითაც დადასტურდება საქონელი ჩვენთან შეიძინა თუ არა. ამის შემდეგ ვნახავთ და დავადგენთ პირტყვი ნამდვილად არის თუ არა დაავადებული თურქულით და მის გამოჯანმრთელებაში დავეხმარებით.
მაგრამ იმ შეთხვევაშიმ თუ ბაზრის ტერიტორიის გარეთ იყიდა ძროხა, ჩვენ პასუხისმგებლები არ ვართ”.

გელაშვილის განცხადებით, ყველა ძროხა ბაზრის შესასვლელშივე ვიზუალურად მოწმდება. რაიმე საეჭვოს შემჩნევის შემთხვევაში, ვეტექიმი კიდევ ერთხელ ათვალიერებს მას: ”თუ ვეტექიმის დანაშაულია, მაშინ ჩვენ მოვეხმარებით, რომ საქონელი განიკურნოს”.

თამუნა უჩიძე
თინათინ ზაზაძე