ახალციხეში კალათბურთის ტურნირი დაიწყო

ტურნირში 12 გუნდი მონაწილეობს. ისინი ერთმანეთს წრიული სისტემით ხვდებიან.

ახალციხის მუნიციპალიტეტის გამგეობის განათლების, კულტურის, სპორტის, ძეგლთა დაცვისა და ახალგაზრდულ საქმეთა სამსახურის წამყვანი სპეციალისტი მაია სხირტლაძე ამბობს, რომ ამ ვინ ითამაშებს ნახევარფინალში დაჯამებული ქულების მიხედვით დადგინდება.

თამაშები ყოველ დღე იმართება. ყოველდღიურად ერთმანეთს ხუთი გუნდი ხვდება. დღეს პირველი საჯარო სკოლის დარბაზში ერთმანეთს ახალციხის ’ელიტა’ და ’ფერსის საკრებულოს გუნდი’ შეხვდნენ. თამაში 27:48, ახალციხის გუნდის გამარჯვებით დასრულდა.

გუნდის მოუმზადებლობის გამო დღეს თამაშს წყრუთისა და ურაველის გუნდები გამოაკლდნენ. შესაბამისად, მათ თამაში წაგებად ჩაეთვალათ, მოგება ახალციხის უნივერსიტეტის გუნდსა და ’ოპიზარს’ დარჩათ.

მუნიციპალიტეტის პირველობისთვის ბრძოლა 28 თებერვალს დასრულდება. გამარჯვებული გუნდი ადგილობრივი ხელისუფლების მიერ დაწესებული პრიზებით დაჯილდოვდება.

[ნინო გოგოლაძე, ახალციხე]