შეზღუდული შესაძლობლების მქონე პირებმა სპორტული შეჯიბრი მოაწყეს

ღონისძიება, შეზღუდული შესაძლებლობების მქონე პირთა დაცვის საერთაშორისო დღესთან დაკავშირებით, ორგანიზაცია „თანადგომა შვილების” ორგანიზებით გაიმართა. შეჯიბრში შშმ პირთა სარეაბილიტაციო ცენტრის „ტალიტა კუმის“ ბენეფიციარები და ახალციხის მეშვიდე სკოლის მოსწავლეები მონაწილეობდნენ.

"მშობლები ვუწყობთ ხელს, რომ საზოგადოებაში ამ ბავშვების ინტეგრირება მოვახდინოთ“, – ამბობს არასამთავრობო ორგანიზაცია „თანადგომა შვილების“ თავმჯდომარე მაია გაჩეჩილაძე.

მხიარულ სტარტებს აბასთუმნის სკოლის მოსწავლეები ესწრებოდნენ, რომლებმაც შეჯიბრის ბოლოს მონაწილეებისთვის მცირე წარმოდგენა გამართეს.





[მარიამ ბარძიმაძე, ახალციხე]