ასპინძის საკრებულოში ფრაქციის შესაქმნელად დღეს ერთი განაცხადი შევიდა

საკრებულოს ახლად არჩეულმა თავმჯდომარემ მამუკა მელიქიძემ განცხადება დღეს, 20 ნოემბერს გამართულ სხდომაზე ცნობად მიიღო.

ფრაქციას „ქართული ოცნება“ ერქმევა და მას დეპუტატი გია ჭეიშვილი უხელმძღვანელებს. მისი თქმით, საკრებულოში უმრავლესობის 22 წევრიდან მხოლოდ ოთხი გაწევრიანდება.

ამ ეტაპზე საკრებულოსათვის არც ოპოზიციონერ დეპუტატებს და არც უმრავლესობის სხვა წევრებსმარ მიუმართავთ.

ასპინძის საკრებულოში ორი წევრი „ევროპული საქართველოს“, ერთი „ნაციონალური მოძრაობას“ და ორი „პატრიოტთა ალიანსს“ ჰყავს. კანონმდებლობის მიხედვით კი ფრაქციის შესაქმნელად სამი ან სამ წევრზე მეტია აუცილებელი. გაერთიანდებიან თუ არა ოპოზიციური პარტიები, ასპინძის საკრებულოში ფრაქციის შესაქმნელად, ამაზე დეპუტატები ჯერ არ საუბრობენ.

შეგახსენებთ, რომ ასპინძაში ახლად არჩეული საკრებულოს პირველი სხდომა დღეს, 20 ნოემბერს გაიმართა და დაკომპლექტდა.

[ლუბა გიორგაძე, ასპინძა]