ასპინძის საკრებულოში ორი კომისია იმუშავებს

ასპინძაში, ახლად არჩეული საკრებულოს სხდომა 15:00 საათზე დაიწყო. პირველ სხდომაზე დეპუტატებმა, დღის წესრიგის მიხედვით ჯერ თავმჯდომარე და მისი მოადგილე, შემდეგ კი საკრებულოს კომისიების წევრები აირჩიეს.

ასპინძის საკრებულოში ორი კომისია იქნება: იურიდიულ საკითხთა კომისია, სოცილური და ჯანდაცვის საკითხთა კომისია.

ორივე კომისიის თავმჯდომარეობის კანდიდატებად საკრებულოში მხოლოდ „ქართული ოცნების“ დეპუტატები დაასახელეს. ხმათა სრული უმრავლესობით ასპინძის საკრებულოში იურიდიულ საკითხთა კომისიას გიორგი ჯვარიძე უხელმძღვანელებს, სოციალურ და ჯანდაცვის კომისიას კი დავით ფართლაძე.
საკრებულოს დეპუტატემბა კომისიაში გაწევრიანებისათვის, განაცხადებით საკრებულოს აპარატს უნდა მიმართონ.

დღევანდელ სხდომაზევე, საკრებულოს თავმჯდომარემ ცნობად მიიღო „ევროპული საქართველოს“ წევრის ტარიელ ლონდარიძისა და „ქართული ოცნების“ წევრის დარეჯან ზღულაძის განცხადებები საკრებულოს დატოვების თაობაზე. მათ კანონით გათვალისწინებულ 10 დღის ვადაში საკრებულოში, მათივე პარტიიდან სხვა წევრები ჩაანაცვლებენ.

გიორგი ჯვარიძე

დავით ფართლაძე

[ლუბა გიორგაძე, ასპინძა]