ახალციხის საკრებულოში კომისიების თავმჯდომარეები აირჩიეს

საკრებულოს სხდომაზე კომისიების თავმჯდომარეების კანდიდატები ოპოზიციას არ დაუსახელებია. ხუთივე კომისიის თავმჯდომარე უმრავლესიბიდან დასახელდა და ხმათა სრული უმრავლესობით აირჩიეს კიდეც.

სამანდატო, საპროცედურო, იურიდიულ საკითხთა და ეთიკის კომისიის თავმჯდომარე ვლადიმერ კურტანიძე იქნება. მას სხდომაზე მყოფი 31 დეპუტატიდან მხარი 27–მა დაუჭირა, სამი ბიულიტენი ბათილად იქნა ცნობილი ერთმა კი ხმა არ მისცა.



საფინანსო და საბიუჯეტო საკითხთა კომისიას მანანა ბალიაშვილი უხელმძღვანელებს. ბალიაშვილმა 27 დეპუტატის მხარდაჭერა მიიღო, ორმა ხმა არ მისცა, ორი ბიულეტინი კი გაბათილდა.



სივრცით–ტერიტორიული დაგეგმარების და ინფრასტრუქტურის კომისიის თავმჯდომარედ ვასილ სისვაძე აირჩიეს. ბიულეტენების რაოდენობა მის შემთხვევაშიც ისევე გადანაწილდა, როგორც ბალიაშვილთან.



სოციალური, კულტურის, განათლების, სპორტისა და ახალგაზრდულ საქმეთა კომისიის თავმჯდომარე ამბარცუმ ბაბოიანი იქნება. ბაბოიანიც 27–მდა დეპუტატმა აირჩია, ერთმა ხმა არ მისცა, სამი ბიულეტენი კი გაბათილდა.



ახლადარჩეული კომისიების თავმჯდომარეებისაგან განსხვავებით ერთით მეტი ხმა, მუნიციპალური ქონების მართვის, ბუნებრივი რესურსებისა და აგრარულ კომისიის თავმჯდომარემ ბესიკ გოქსაძემ მიიღო. მას მახარი 31–დან 29 დეპუტატმა დაუჭირა, ორი ბიულეტინი კი ბათილად იქნა ცნობილი.



„მინდა ყველა არჩეულ თავმჯდომარეს ვუსურვო, რომ გადაწყვეტილებები ხალხის და არა პარტიის ინტერესებიდან გამომდინარე მიიღოს“, – განაცხადა საკრებულოს დეპუტატმა „ევროპული საქართველოდან“ გელა დემეტრაძემ და დაამატა, რომ მათი მხრიდან კომისიის თავმჯდომარეების კანდიდატურის დაყენება ტყუილად დროის კარგვა იქნებოდა.

დემეტრაძეს ეთანხმება საკრებულოს წევრი „ნაციონალური მოძრაობიდან“ ნატო დარბაიძე: „დღევანდელ სხდომაზე დეპუტატები ისე იქცეოდნენ თითქოს საბავშვო ბაღის ზეიმი იყო, ლექსი ჰქონდათ დაზეპირებული და არ უნდა შეშლოდათ. 27 დეპუტატიდან ერთს მაინც საწინააღმდეგო აზრი როგორ არ ჰქონდა?! დემოკრატიამდე და თავისუფლებამდე ძალიან ბევრი გვიკლია“.

რომელი კომისია რამდენი დეპუტატისგან დაკომლექტება ჯერ უცნობია. დეპუტატებმა კომისიებში გაწევრინების თხოვნით საკრებულოს აპარატს წერილობით უნდა მიმართონ.



[ლუბა გიორგაძე, ახალციხე]