სამოქალაქო განათლების პედაგოგთა ფორუმზე სამცხე–ჯავახეთის პედაგოგები და დირექტორი დააჯილდოვეს

კონფერენციაზე სამცხე-ჯავახეთიდან ახალციხის მუნიციპალიტეტის კერძო სკოლა “მზექა”-ს სამოქალაქო განათლების პედაგოგი, მზექალა კაპანაძე - სამცხე-ჯავახეთის რეგიონის წლის საუკეთესო ტიტულით დაჯილდოვდა. ახალციხის მუნიციპალიტეტის სოფელი გურკელის სამოქალაქო განათლების პედაგოგი ნინო მახათაძეს კი - რეგიონის წლის საუკეთესო მეურვედ დასახელდა, ხოლო ახალქალაქის მუნიციპალიტეტის სოფელ ვაჩიანის საჯარო სკოლის სამოქალაქო განათლების პედაგოგი არევიკ გაბრიელიან - რეგიონის წლის წარმატებული პედაგოგად გამოაცხადეს.

ფორუმზე დასახელდნენ წლის საუკეთესო დირექტორები, რომლებიც აქტიურად იყვნენ ჩართული სამოქალაქო განათლების პროგრამის განხორციელებისას, ეს ტიტული - ბორჯომის ივ. ჯავახიშვილის ზოგადსაგანმანათლებლო კერძო სკოლის დირექტორს მარინა შაყულაშვილს ერგო. ბოლოს დაჯილდოვდა სამოქალაქო განათლების პედაგოგთა ფორუმის სამცხე-ჯავახეთის რეგიონალური კოორდინატორი ნინო ნადირაძე - რომელსაც გაწეული საქმიანობისათვის სერთიფიკატი გადაეცა.

სამოქალაქო განათლების პედაგოგთა ფორუმის წლიური კონფერენცია-გამოფენა 13 მაისს გაიმართა. კონფერენციას საქართველოს განათლებისა და მეცნიერების მინისტრი ალექსანდრე ჯეჯელავა, აშშ საერთაშორისო განვითარების სააგენტოს (USAID) მისიის დირექტორის მოადგილე ტომას მორისი და სამოქალაქო განათლების პროგრამის "მომავლის თაობა" დირექტორი მარინა უშვერიძე ესწრებოდნენ.




[sknews.ge]