„სამხრეთის კარიბჭემ“ სახალხო დამცველის ჯილდო მიიღო

სტატია – „სათავსოებად ქცეული სალოცავები“– ჟურნალისტმა თინათინზაზაძემ მოამზადა და იგი სამცხე–ჯავახეთში უმოქმედო მეჩეთებს ეხება, რომელთა უმეტესობასაც ადგილობრივები თივის, მატყლისა და სხვა საოჯახო, ძველი და გამოუყენებელი ნივთების შესანახად იყენებენ. მასალის გამოქვეყნების შემდეგ კულტურული მემკვიდრეობის დაცვის სააგენტომ საკითხის შესწავლა დაიწყო.

პირველი ადგილის მფლობელი „სამხრეთის კარიბჭეს“ რედაქტორი ნინო ნარიმანიშვილი გახდა „ჯემნიუსისთვის“ მომზადებული მასალისთვის – "მუსლიმი მესხები – რთული გზა სამშობლოში დასაბრუნებლად".

მეორე ადგილი კი "ლიბერალის" ჟურნალისტის ზურა ვარდიაშვილის სტატიამ – "რას გვასწავლის დედა ისტორია" – დაიკავა.

კონკურსის შედეგები დღეს, 17 ნოემბერს, ტოლერანტობის საერთაშორისო დღისადმი მიძღვნილ ღონისძიებაზე გახდა ცნობილი.



[თამუნა უჩიძე, ახალციხე]