კულტურული მემკვიდრეობის სააგენტომ სათავსოებად ქცეული მეჩეთების შესწავლა დაიწყო

„სამხრეთის კარიბჭეს“ მიერ გამოქვეყნებული მასალის შემდეგ, ადიგენსა და ახალციხეში უმოქმედო მეჩეთების საკითხით კულტურული მემკვიდრეობის დაცვის ეროვნული სააგენტო დაინტერესდა.

„ჩვენ ვმუშაობთ ამ საკითხზე. ვარკვევთ აღნიშნულ ძეგლებს ჰყავთ თუ არა მესაკუთრეები, თუ კი, მასთან მოვლა–პატრონობის ხელშეკრულებას გავაფრომებთ და მას მოვთხოვთ მოვლა–პატრონობას. თუ ეს სახელმწოფოს საკუთრებაშია, ვთხოვთ ადგილობრივებმა დაცალონ შენობა, შემდეგ კი დავკეტავთ “, – განაცხადა კულტურული მემკვიდრეობის დაცვის ეროვნული სააგენტო საზოგადოებასთან ურთიერთობის წარმომადგენელმა დავით ტყეშელაშვილმა.

კულტურული მემკვიდრეობის დაცვის ეროვნული სააგენტოს დავალებით, მეჩეთებში არსებული მდგომარეობა ვარძიის მუზეუმ– ნაკრძალის მონიტრონგის ჯგუფმა, რამდენიმე დღის წინ შეისწავლა. ფოტოები გადაიღო და ის ადგილობრივები გააფრთხილა, ვისაც მეჩეთები სათავსოებად ჰქონდა გამოყენებული.

„სიტყვიერად გავაფრთხილეთ და ვუთხარით რომ საჯარომო სანქციები დაეკისრებათ. საყუნეთსა და ზიკილიაში გვითხრეს, ჩვენ ნივთებს აუცილებლად გავიტანთო“, – ამბობს ვარძიის მუზეუმ ნაკრძალის მმართველი კახა ზაზაძე.

კულტურული მემკვიდრეობის დაცვის ეროვნულ სააგენტოში განმარტავენ, რომ იმ შემთხვევაში, თუ მეჩეთი ადგილობრივების მიერ დაზიანებული არ არის ჯარიმის გადახდა არ მოუწევთ, შენობაში შეტანილ ნივთებს კი გამოატანინებენ.

კახა ზაზაძის განმარტებით შედარებით რთული მდგომარეობაა ნაქურდევის მეჩეთში, რადგან მეჩეთზე მიშენებულ შენობაში 15 წელია ოჯახი ცხოვრობს.
„გამგებლის წარმომადგენელს ვთხოვთ, უფრო მეტი ყურადღება გამოიჩინოს, რომ მეჩეთი აღარ დაბინძურდეს“, – აცხადებს იგი.

„გამოსახლრება ჩვენი კომპეტენცია არაა. რომ გამოასახლო ალტერნატიული ფართი უნდა შესთავაზო. ჩვენ გავუგზავნით ადგილობრივ თვითმართველობას წერილს, რომ ამ საკითხზე იმუშაონ“, –კულტურული მემკვიდრეობის დაცვის ეროვნული სააგენტო საზოგადოებასთან ურთიერთობის წარმომადგენელმა დავით ტყეშელაშვილმა.

შეგახსენებთ, რომ „სამხრეთის კარიბჭემ“ ადიგესა და ახალციხეში უმოქმედო მეჩეჩების მდგომარეობაზე სტატია სახელწოდებით „სათავსოებად ქცეული სალოცავები“ 25 თებერვალს გამოაქვეყნა.

[თინათინ ზაზაძე, ახალციხე]