ახალციხის მუნიციპალიტეტის საკრებულოს თავმჯდომარე და მოადგილე აირჩიეს

ახალციხის ადმინსიტრაციულ შენობაში, ახალციხის მუნიციპალიტეტის ახლადარჩეული საკრებულოს პირველი სხდომა მიმდინარეობს. საკრებულომ თავმჯდომარე და მოადგილე უკვე აირჩია.

საკრებულოს 33 წევრიდან 31 ესწრება. მათ შორის 27–მა ნოზაძესა და იოსებ კაპანაძეს მისცა ხმა. ორი ბიულეტენი ორივე შემთხვევაში გაბათილდა, ორმა კი არც თავმჯდომარისა და არც მოადგილის კანდიდატურას ხმა არ მისცა.

„მადლობა, რომ ნდობა გამომიცხადეთ, ვიმედოვნებ რომ ჩვენი მუშაობა იქნება ნაყოფიერი, იმედი მაქვს რომ ახალ მ ერთან, ზაზა მელიქიძესთან ერთად ოთხწლიან მუშაობას მომავალში წარმატებულად შევაფასებთ. ვიქნქებთ ჩვენი ამომრჩევლის აზრებისა და სურვილების გამტარებლები“, – განაცხადა სხდომაზე გელა ნოზაძემ.

ნოზაძე ამ დრომდე ახალციხის თემის საკრებულოს თავმჯდომარის მოადგილის პოზიციას იკავებდა. იგი 1962 წელსაა დაბადებული. განათლება პოლიტექნიკურ ინსტიტუტში 1984-1987 წლებში მიიღო. 1992 წლიდან 2014 წლამდე სამხედო კომისიარიატში სხვადასხვა პოზიციებზე მუშაობდა. ასევე 1992 წელს სოფელ კლდის თემის საკრებულოშიც იყო.

ისევე როგორც ნოზაძე, კაპანაძეც ახალციხის თემისა საკრებულოს დეპუტატი იყო. იგი კაპანაძე 1980 წელს დაიბადა. იურიდიული განათლება თბილისი სახელმწიფო უნივერსიტეტის მესხეთის ფილიალში მიიღო. შემდეგ მუშაობა სამცხე–ჯავახეთის სამხარეო სამმართველოში დაწიყო. აქ ორი წელი დაჰყო. ამის შემდეგ კი მისი სამსახურეობრივი საქმიანობა თვითმმართველობას უკავშირდება. იგი ჯერ ელიწმინდის ტერიტორიულ ორგანოში რწმუნებული იყო, შემდეგ კი ახალციხის თამის საკრებულოში დეპუტატი.

„დიდი მადლობა პარტიას, მადლობა ტქვენ რომ ნდობა გამომიცხადეთ“, – განაცხადა კაპანაძემ.

ახალციხის საკრებულოს სხდომა გრძლედება, ახალი საკრებულო კომისიების თავმჯდომარეებს აირჩევს.

[თამუნა უჩიძე, ახალციხე]