გაასაჩივრებენ თუ არა ასპინძის გამგებლის საქმეს სააპელაციოში უცნობია

N39 ასპინძის საოლქო საარჩევნო კომისიას ახალციხის რაიონული სასამართლოს გადაწყვეტილება ჩაბარდა, თუმცა როგორც საოლქო კომისიაში აცხადებენ, ჯერ გადაწყვეტილება იმის შესახებ გაასაჩივრებენ თუ არა მას სააპელაციო სასამართლოში, არ მიუღიათ.

„ვადები ჯერ გვაქვს გასაჩივრების“, – ამბობს N39 ასპინძის საოლქო საარჩევნო კომისიის თავმდჯომარე ნიკოლოზ ლოლაძე.

შეგახსენებთ, რომ ახალციხის რაიონულმა სასამართლომ ასპინძის მუნიციპალიტეტის გამგებლისა და ასევე ამავე მუნიციპალიტეტში დამოუკიდებელი მერობის კანდიდატის ლევან ცაბაძის მიმართ ადმინსიტრაციული საქმის წარმოება შეწყვიტა.

შეგახსენებთ, რომ N39 ასპინძის საოლქო საარჩევნო კომისისიამ სასამართლოში სარჩელი იმის შესახებ შეიტანა, რომ ლევან ცაბაძემ წინასაარჩევნოდ სამსახურეობრივი მდგომარეობა გამოიყენა.

[თამუნა უჩიძე, ასპინძა]