ასპინძის საოლქო საარჩევნო კომისიის თავმჯდომარე გადადგა

N39 ასპინძის საოლქო საარჩევნო კომისიის თავმჯდომარემ გათავისუფლების შესახებ განცხადება პირველ საქტემბერს დაწერა.

„სხვაგან გადავდივარ სამუშაოდ, სხვა გეგმები მაქვს“, – განაცხადა მან „სამხრეთის კარიბჭესთან“ სატელეფონო საუბარში.

შეკითხვაზე სად იწყებს მუშაობას, გვპასუხობს, რომ ჯერ არსად: „დროებით უმუშევარი ვარ“.

მისივე თქმით, პოზიციის დატოვება წინასაარჩევნოდ რაიმე ტიპის ზეწოლას, ან მუქარას არ უკავშირდება: „უბრალოდ, ასე მივიღე გადაწყვეტილება და მივმართე ცესკოს განცხადებით“.

ამ დროისთვის ასპინძაში საოლქო კომისიის თავმჯდომარის მოვალეობას გივი ივანიძე ასრულებს. იგი როსტომ მაგრაქველიძის მოადგილე იყო.
თავმჯდომარეს ასპინძის საოლქო საარჩევნო კომისია უახლოეს სხდომაზე აირჩევს. მანამდე კი ცესკომ ასპინძის საოლქოში კომისიის ახალი წევრი ნინო ბერიძე აირჩია.

„კონკურსი იყო გამოცხადებული, სამმა წევრმა შემოიტანა განცხადება და აქედან ერთი, ნინო ბერიძი დღევანდელ სხდომაზე ავირჩიეთ“, – გვითხრეს ცესკოში.

როსტომ მაგრაქველიძე ასპინძის საოლქო საარჩევნო კომისიის თავმჯდომარედ 2006 წლიდან მუშაობდა.

[თამუნა უჩიძე, ასპინძა]